Declaración medioambiental

O Centro de Iniciativas Empresariais MANS é un proxecto da Fundación Paideia Galiza, entidade sen ánimo de lucro, constituída en abril de 1986 como un espazo aberto á formación, investigación e á intervención no campo das Ciencias Humanas e Sociais. O CIE Mans nace coa vocación de ser un Centro de cultura empresarial innovadora, contando cunha diversidade de sectores e de expertos en áreas emerxentes e favorecendo a posta en marcha de proxectos empresariais.

Seguindo as liñas da política estratéxica de mellora continua e de prevención da contaminación a través da mellora da nosa contorna, a Dirección do CIE Mans decidiu a implantación dun sistema de Xestión, baseado no Regulamento EMAS en vigor cuns obxectivos claramente definidos e dirixidos cara á conservación do medioambiente. A finalidade do Sistema de Xestión Ambiental implantado en Mans é demostrar a súa capacidade para realizar os servizos ofertados (alugueiro de oficinas e/ou xestión do estudo de gravación) de forma que se satisfagan os requisitos do cliente e os requisitos regulamentarios aplicables en materia ambiental en consonancia coa nosa contorna.