Se andas na procura dunha contorna máis relaxada, rodeada de espazos verdes, Mans Padrón é un coworking aberto a profesionais de todos os sectores, autónomos ou pemes, con interese por traballar desde o rural e xerar comunidade. Está situado nun edificio rehabilitado de alto valor histórico e conta cunha ampla oferta loxística orientada ao desenvolvemento da actividade empresarial. En Mans Padrón atoparás postos de traballo fixos, exclusivos para cada coworker durante toda a súa estancia, totalmente amoblados en oficina individual ou compartida, en función das túas necesidades.

Os seus espazos, a súa contorna e o equipo Mans confírenlle unha inmellorable atmosfera de traballo. Ademais, a localización estratéxica a nivel rexional e as súas boas comunicacións constitúen un valor engadido para os coworkers. Aparcar nunca será un problema xa que conta con aparcadoiro público adxacente. Mans pode ser un interesante punto de encontro (ou de partida) con clientes, provedores, socios, traballadores… cos que compartir ideas ou intercambiar experiencias.